ZALEN July 01, 2026: National Doctors’ Day pualin Manipal Hospitals Broadway chuan vawiin khan Aizawl Press Club ah Chuap natna enkawl dan hrang hrang leh natna inven dan an sawi a, Chanchinbumite nen inkawmin Mizoram nena thawhho dan tur te an sawi a ni.

Dr. Debraj Jash, HOD – Pulmonology, Manipal Hospital EM Bypass & Salt Lake Cluster (Broadway + Salt Lake) chuan Chuap natna chu fur-ah a awm duh tih sawiin hetiang kawnga invenna tha a awm theih nan enkawlna tha a pawimawh thu a sawi a, Chuap natna chu Fur-ah natna tlanglawn anih thu sawiin enkawl vat a pawimawh thu a sawi.

Dr. Debraj Jash chuan Fur-ah natna hrang hrang pneumonia, bronchitis, and fungal infections a awm duh tih sawiin asthma, COPD, allergies te chu natna tlanglawn anih thu a sawi a, enkawlna tha zawk pe turin Manipal Hospital an inhawng reng tih a sawi bawk.

Manipal Hospital-a enkawl Lalhmingliani chuan enkawlna a dawn dan chungchang sawiin Aizawl-ah hun rei tak enkawl anih hnuah Manipal Hospital-ah referred ani tih sawiin Dr. Debraj Jash-a'n a enkawl hnu kar khatah danglamna a hmu a ti a, thawk lama harsatna a neih thin chu a a bo tih sawiin hlawhtling takin a inenkawl thu a sawi.

Manipal Hospital hian Mizo damlo tam tak enkawl tawhin Cancer natna vei tam tak a enkawl tawh a, Mizoram sawrkarin damlo te tana a duan MUHCS nena thlunzawm niin an damdawiin kaltlangin a thlawnin damlo enkawl theih an ni a, Kolkata bakah India rama khawpui hrang hrangah a awm bawk a ni.