ZALEN July 22, 2026 : Vawiin khan Kolasib Fast Track Court chuan naupang kum tling lo pawngsualtu Lalramtiama (56), Vairengte IOC Venga cheng chu hrehawm taka kum 10 chhung lung in tang tur leh cheng singnga chawi turin a hrem.

Kum 2023, May ni 22 khan nu pakhatin a fanu kum 12 mi chu Lalramtiama chuan mipat hmeichhiatana a hmanpui thin tih a fanu ka atangin a hre chhuak tih sawiin, Vairengte Police Station-ah FIR a theh lut a POCSO Act tlawhchhanin thubuai ziah luh a ni.

Judge R. Vanlalena chuan finfiahna leh thuhretute thusawi atangin Lalramtiama chu thiam loh a chantir a, hrehawm taka kum 10 chhung lung in tang tur leh Rs. 50,000 chawi turin a hrem a, pawisa a chawi lo a nih chuan thla 6 dang tàn belh tura tih a ni bawk.