ZALEN July 31, 2026 : Naupang kumtling lo pawngsualtu RT Lalhlimpuia, Thenzawl chu hrehawm taka kum 20 chhung lung in tang tur leh cheng singhnih chawi turin Serchhip Circuit Court-in a hrem. 

Court thuremnaa tarlan a nih danin, pawikhawihna hi kum 2023 chhova thleng a ni a, pawikhawihtu hi POCSO Act hmanga thubuai siamsak niin, thubuai ngaihtuahtu Additional District & Sessions Judge Serchhip Circuit Court, Julie Lalrinzami chuan tun thla ni 17 khan thiam loh a chantir.

Hrem a nih dan tur hi nimin khan puangin, hrehawm taka kum 20 chhung lung in tang tur leh Rs. sing 2 chawi turin a hrem, Sum chawi tur hi a pe thei lo a nih chuan kum 1 dang a tan belh a ngai dawn a ni.

RT Lalhlimpuia hian tuna thiam loh a chantir a nih bakah hian naupang pawngsual thubuai dang a nei a, hei pawh hi Court-in a ngaihtuah mek a ni.