ZALEN May 29, 2026 : Vawiinah khan Lunglei District Legal Services Authority te chuan Lunglei Electric Veng YMA Hall-ah NALSA Jagriti Scheme hnuaiah Lunglei Electric Venga sawrkar sikul te nen 'Surakshit Bachpan Surakshit Bhavishya' campaign an nei.

He hunah hian Lunglei Electric Veng atangin sawrkar sikul paruk - Gov't Leitlang Higher Secondary School, Gov't Leitlang HS, Gov't EV High School, Gov't Bethlehem M/S, Gov't JNM Model M/S leh Gov't MS EV te telin, sikul naupang 567 an kal khawm a ni.

Chief Judicial Magistrate Lalramsanga leh Lalthansiami Hnamte, Senior Civil Judge te chuan thu sawiin, POCSO, IT Act leh dan lama naupangte hriat tur te, naupangte laka hleihlenna hrang hrang laka inven dan leh thil dik lo a thlen thut pawha report dan kawngte ngaihthlak niin, zirlai naupang ten an hlawkpui hle.