ZALEN, Mar. 04, 2026: Mizoram Cycling Association (MiCA) chuan a vawi li nan Nilaini khan hmeichhia leh mipa naupangte thirsakawr intlansiakna, State Level Age Group Cycling Championships 2026 chu hlawhtling takin a buatsaih.

Ramhlun Sports Complex, Aizawlah inelnaah buatsaihah hian naupang 62 an inlan.

Kum bithliaha hmeichhe inelna pakhat leh mipa tana pathum buatsaihah hian naupang kum 15 hnuai lamte chu anmahni thirsakawr hmangin an intlansiak a ni.

MiCA buatsaih inelnaah hian mipa naupangte hi kum nga leh kua inkar (2017-2021 inkara piang) te, kum 10-12 (2014-2016 inkara piang) te leh kum 13-15 (2011-2013 inkara piang) te tan inelna hi buatsaih a ni.

Hmeichhe naupangte tan kum nga leh 15 inkar (2016-2021 inkara piang) te tan inelna buatsaih a ni bawk.

Huang tina pakhatna hnenah Rs. 2,000, medal leh certificate; pahnihna hnenah Rs. 1,500, medal leh certificate leh pathumna hnenah Rs. 1,000, medal leh certificate pek theuh an nih bakah a tel zawng zawngte pawh certificate pek vek an ni.

RESULTS:

Girls 2 laps

1. Cyrilla Lalhriatpuii (5:20 mins) 

2. Lalrotluangi (5:43)

3. Ava Zorengpuii Ralte (6:06)

Boys (kum 5-9) (2 laps)

1. Rinsangpui Hnamte (4:33 mins)

2. Aaron Lianbiakmuana (4:35)

3. Lalmuanawma Chhangte (5:06)

Boys (kum 10-12) 3 laps

1. Johan Debbarma (6:07 Mins)

2. Isak Vanlalpeka (6:09)

3. Jephania C. Zohmingmawia (6:23)

Boys (kum 13-15) 5 laps

1. VL Pekhlua Pautu (8:44 Mins)

2. Lalrinmawia Jongte (8:49)

3. Peter Lalhruaizela (9:22)