Aizawl: Mizorama damdawiin lian ber Aizawl Civil Hospital in thla 9 kalta chhung, January atanga September 2016 inkara naupiang an chhin-chhiahah hmeichhia aiin mipa an tam zawk. Civil Hospital-ah hian thla 9 kalta chhung khan naupiang 3257 an awm a, heng zinga 1721 chu mipa niin hmeichhia 1536 an awm bawk a, hmei-chhia aia mipa an tamna hi 53% a ni. Thla 9 kalta chhung vek khan Civil Hospital-ah hian damlo admit 11363 an awm a, phai lama refer 1556 awmin mitthi 545 an awm bawk a ni. Damlo inentir zing-ah Medicine Doctor pan an tam ber a, Medicine bakah hian Naupang, ruh lam leh vun natna Doctor pantute chu a sang zualte an ni  bawk a ni. Thla 9 kalta chhung khan out patient department leh Emergency (Casualty) lak kawpin damlo inentir 329269 an awm a ni.