ZALEN May 9, 2026 : Zoram Medical College & Hospital a Department of Pediatrics leh Department of Obstetrics & Gynaecology te tangkawp chuan vawiin khan 'Neonatal Resuscitation Program Day' an hmang a. ZMC&H Dean, Professor Swati M Patki in a hmanpui.

He program hi Indian Academy of Pediatrics (IAP) leh National Neonatology Forum (NNF) bul tum, ram pum huap state 35 leh UT tinah a ruala hman ho tura duan niin, nausen pianghlim harsatna nei te chhanchhuah dan training hrang hrang Nurse leh doctor tam thei ang ber te hnenah pek a ni. India ramah hian nausen piang 10 zelah 1 hi thawk lama harsatna neiin an piang thin a, a hun taka buaipui nghal anih chuan nausen tam tak chhanchhuah an ni thin a ni.

He training ah hian naupang doctor, gynaecologist, medical officers, interns leh nurse thahnem tak train anni a, nausen pianghlim harsatna neite chhanchhuah an lo nih zel theih nan leh Mizoram in Infant mortality rate (IMR) hniam a neih zel theih nana hmalakna a ni.