Neitu hriat loh bag atangin nuai 139 man Heroin No 4 Zokhawthar-ah man
Tualchhung
May 14, 2026

ZALEN May 14, 2026: Ruihlo tawlh ruk a awm thu an hriat bawhzuiin Zokhawthar Police leh Assam Rifles te chuan Zokhawthar, Champhai district khawchhunga Iron Gate-ah vawiin zing khan thawk hovin hma an la a, Heroin gram 186 an man.

ad


Chet an lak lai hian tu tih hriat loh bag pakhat chu kawngsirah an hmu a. He bag a neitu hriat loh hi an enchian hnuah Heroin No 4 gram 186 chu an hmuchhuak a, he an thil man hi cheng nuai 139 man vela chhut a ni. Heng ruihhlo an man te hi Zokhawthar Police te chuan chhui zui atan leh dan anga hmalak a nih theihna turin an kutken zui nghal a ni.

Latest News & Chhiar Hlawh