ZALEN March 21, 2026 : Tlawng lui, Sihhmui kaia ni hnih awh Nghakuai chiah runpui buatsaih chu ni 21.3.2026 ( inrinni) tlai dar 3:30pm khan kharna hun hman niin, sangha man lian ber Biggest catch lawmman latu chu Malsawmtluanga, Salem veng, Aizawl niin a sangha man hi Nghaphusen 6.825kg a rit a ni.

Nghakuai chiah runpui hi Fisheries Department, Sihhmui Branch YMA leh Mizoram Angling Association te buatsaih niin kharna hun hi Fisheries Department Secretary, Er. Lalrothanga'n a hmanpui. 

Er. Lalrothanga chuan Luidung nungchate humhalh zel tura infuih thar zel tur leh hunbi neia man, dan hnuaia luidung nungcha humhalh leh man pawimawhna te a sawi. Luidung leh a chhunga cheng nungchate humhalh kawngah sawrkar pui ni lova, kan nunphung ve renga neiha, luidung humhalh chu YMA member leh mitin te mawhphurhna a nih thu a sawi.

Lawmman dang latu te -

Best women angler - Jenny Zorinmawii, Dawrpui vengthar, Aizawl

Youngest angler - Isaac Vanlalhriatkima, kum 11, Tuithiang, Aizawl

Oldest Angler - Vanlalthanga, kum 56, Sihhmui te an ni.

Sangha man tam ber- Lalrinsanga, Tuithiang, sangha 8 a man