ZALEN July 1, 2026 : Central YMA Committee Room, Tuikhuahtlang-ah vawiin khan Aizawla NGO pawl hrang hrang hruaitute an thukhawm a, Electoral Roll-a inthun belh leh paih dilna hawn huna hearing neih hunah uluk takin mahni huamchhunga theuh vil turin thutlukna an siam.

NGO pawl hrang hrang thukhawm chuan Election Commission of India (ECI) ruahmana a Electoral Roll enthatna, Special Intensive Revision (SIR), 2026 neih mek chungchang an ngaihtuah a, Enumeration Form te Digitization tih zawh tawh a ni chu lawmawm an ti a, thawktu zawng zawngte chungah lawmthu an sawi.

Ni 5,7.2026 atanga ni 4.8.2026 chhunga inthun belh leh paih (claims & objection) dilna hun hawn turah hian India khua leh tui dik tak chauh Roll-a thun an nih theh nan huaisen taka hmala turin a buaipuitu - ERO/AERO/BLO te an ngen. 

Hearing neih hunah pawh uluk takin NGO hrang hrangte hian mahni huamchhung theuhah vil zui an tum a ni.