Aizawl; Zirtawpni khan Mamit District Bawngva khuaah Soil & Water Conservation Department hnuaia NLUP 2nd Phase chu a dawngtu turte hnenah FCS&CA Minister John Rotluangliana'n a sem. NLUP semna hi BNRGSK building ah neih a ni a, kalkhawmte hmaah thu sawiin Minister chuan NLUP dawngtute chu an pawisa dawnte a hmanna tur dik taka hmang tura chahin sorkar-in mipui ten leirem an rahna tura ruahmanna a siam chu ti hlawhtling a, an tu leh fate tan eizawnna ngelnghet siam sak thei ngei turin a chah. NLUP sem hi rubber trade ah chhungkaw 1 in Rs. 33,200/- dawngin chhungkaw 16 tan Rs. 5,31,200 sem chhuah a ni a. Hmunphiah trade thlangtu chhungkaw 17 tan Rs. 6,14,040 semchhuah niin chhungkaw 1 in Rs. 36,120/- theuh an dawng a ni.