Aizawl; Hnahthiala Mizoram Baptist Kohhran Rorelna sang ber, BCM Assembly vawi 120-na neih mekah vawiin chawhma inkhawmah hian Pastor atan mi 7 chu Pastor atan nemngheh an ni dawn. Pastor Ordination Service-a Pastor nemngheh turte hi Pro. Pastor kum thum lo thawk tawh leh Pro. Pastor Exam hrang hrang paltlang tawh an ni a. BCM President Rev. Lalthangliana Hnamte-in Minister atan a nemnghet ang a, Lawngtlai Area Choir leh Hnahthial ‘N’ Bial,ten Pathian fakna hla an sa ang. Dahngheh turte hi T.Vanlalremruata (Paithar Biala awm tur); Habert Rorelliana Sailo (Vathuampui Biala awm tur) ; P. Lalroluahpuia (West Phaileng Biala awm tur); Ramnghakmawia Hnamte (Damdep Biala awm tur); B.Rosangzuala (Khawzawl Biala awm tur); P.C.Lalrinawma (Lungsen Biala awm tur) LH.Lalmalsawma (Lungchem Biala awm tur) te an ni.