ZALEN June 29, 2026 : Peipung Private Limited leh khawvel hriatpui khawpa pawisa dinhmun enkawl kawnga thiamna sang chherchhuaktu, American Academy of Financial Management (AAFM) chuan thawhdunna thuthlung (MOU) June ni 11 khan Aizawl-ah an ziak.  

He thawhdunna hian Mizoram leh Northeast bial chhunga thalaite tana khawvel huap eizawnna kawng thar pawimawh tak a hawng dawn a ni.

He thuthlung hmang hian Peipung Private Limited hi Mizoram leh Northeast huam chhung atana AAFM Authorised Training Partner a ni ang.

AAFM hi America rama 'Professional Organization' lian tak, India rama rawn inzar pharh chho mek an ni a. Sum leh pai enkawl leh vawn dan lam hawi course hrang hrang an chhawpchhuak a. Zirlai hlawhtlingte hnena Certificate an hlan hi khawvel ram 150 chuangah hman theih a ni a, hna zawnnaah thiamna bik neia ngaih an ni. 

AAFM zirlai tam zawkte zir ber leh an tum ber chu Chartered Wealth Manager (CWM) Professional Course hi a ni a, graduate tawh phawt tan a zir theih a ni.