ZALEN Nov. 4, 2025 : Phawngpui National Park chu May ni 1, 2025 atanga October ni 30, 2025 thleng tlawh theih loh-a khar a nih hnuah November ni 1, 2025 atang khan vantlang tlawh theiha tura hawn a ni leh ta.

Phawngpui tlang tlawh tur tan luh phalna (entry permit) nei hmasa loin luh phal a ni lo a, entry permit hi Thaltlang-a reception counter- ah entry fee tul ang pein a lak theih bakah tul bik thilah Deputy Conservation of Forest, Chhim-tuipui Wildlife Division leh bialtu RO hnenah phone call hmangin special permit dil theih a ni bawk.

Sawrkar thuchhuahin a tarlan danin Department Authority atanga phalna nei tan lo chuan Forest Restaurant House, Far Park-ah riah leh choka hman theih a ni lo a, National Park chhungah phalna bik nei tan lo chuan ni chhuah atanga ni tlak thleng bak chamban phal ni lovin, fur ruahtui in kawng chhuat a hrut chhiat leh leiminin kawngpui a tihchhiat te siamthat a la nih loh avangin Phawngpui National Park luh chhohna-ah eng lirthei mah tlan luh theih a nih rih loh thu tarlan a ni bawk.

#ZalenNews