Aizawl: Police venhimna hnuaiah Hlimen leh Lungleng inrina Serlui atanga Dihmunzawl inkar Pipe phum hnathawh mek chu kalpui mek a ni. Thudawn danin 'Harvesting of rain water during rainy season for Aizawl Water Supply Scheme' kalpui mek ah hian mimal huan 23 chu pipe lian in a tantlang a, pipe in a tantlangah hian mi pakhat chuan a phut zah a sawi mumal lova harsatna a siam avangin a ram hi cancel sak a ni a, hetiang anih avang hian harsatna thlen thulh ah Police venhmina hnuaiah hnathawh hi kalpui a ni. Pawikhawihna erawh a la awm hrih lo nia thudawn a ni. Tun dinhmunah KM 7 chuang a thui pipe phum hna hi kalpui mek niin, Serlui tuikhuah erawh zawhfel a nih tawh thu dawn a ni bawk.