ZALEN April 2, 2026: Excise & Narcotics Department chuan Heroin thahnem tak an man.

Excise & Narcotics Department chuan April ni 1, 2026 (Nilaini) chawhnu dar 2:00 khan Kolasib Khuangpuilam-ah Heroin Kg 1 & gram 252 (Hawng 100) leh a neitu nia puh mi pahnih – Patrick Ramhmingthang (44) s/o Lalmawizual, Mualvaiphei, Manipur leh Samson Lalremruat (24) s/o Dohmingthang, Parbung, Manipur nia inchhalte an man. Heroin phurhna atana an hman lirthei, Mahindra Scorpio (Regn No. MZ02-6979) pawh hrensak nghal an ni.

Heng Heroin te hi Manipur atanga an lak, Silchar lama hralh tum mek lai a ni. He case-a man, Patrick Ramhmingthang hi Manipur Police thawk mek lai a ni nghe nghe.

Heroin vanga mante hi Section 21(c) of The Narcotic Drugs & Psychotropic Substances Act, 1985 (NDPS Act) hmangin thubuai siamsak an ni a, District & Sessions Court, Kolasib-ah hruai nghal an ni. Court-ah thiamloh an chang a nih chuan Kum 10 atanga kum 20 Jail tang tur leh pawisa Cheng Nuai 1 atanga cheng Nuai 2 thleng chawi bawk tura hrem theih an ni ang.

#ZalenNews