ZALEN, Sept. 17, 2026: Lalhriattira’n round thumna tawp dawnah C Vanlalpeka a hneh a, Nilaini zan Mizoram Labour Link LPS Pro Fight-ah technical knockout hmangin boxer pasarihin an bitum theuh an hneh.

Inhnek hnuhnung ber, middleweight-ah Tuithiang boxer Hriata’n a tawp dawnah Peka, Luangmual a nawr hneh a, round thumna minute hnih leh second 35-ah technical knockout-a a chak rualin Orient Goldsmith Fighter of the Night lawmman a dawng zui nghal.

LPS Arena, Falkland-ah kum 20 mi, Hriata’n Pro Fight hnuhnung berah quarterfinal a lut a, Peka nen a tir atangin ihneh tawk viau mah se a hnek fuh hnem zawk a, round hnuhnung berah fuh taka a dawm hnuah nawrin a taksaah a hnek zawnsak a, chhang let thei lovin Peka a talbuai avangin referee Hriata Chhunthang chuan inhnek a titawp a, Tuithiang tlangvalin kum hnih kal ta ang bawkin quarterfinal a lut.

Flyweight-ah inhnek vawi thum awnin technical knockout vekin Lalhriatzela, PC Lalremruata leh Malsawmdawngzela an chak a. Maubawk boxer Hriatzela’n round hnihnaah tawn hriat nei lo Henry Lalsiamthara, Dawrpui Vengthar a hneh a, Bilkhawthlir boxer Remruata’n a tir atangin Gagan Jaishi, Thuampui a nawr hneh nghal a, round khatna minute khat leh second 15-ah a chak.

Sihphir tlangval, Lalremruata lakah Lungkawlh boxer Dawngzela a tlo zawk a, chau taka an inbeih hnu, round thumna laihawlah Remruata’n harsatna tawkin Dawngzela a chak.

Bantam-ah inhnek vawi hnih awmin technical knockout ve vein Lalnunpuia leh C Lalruatfela an chak bawk a. Rangvamual boxer Nunpuia’n Malsawmdawngkima, Bawngkawn hmachhawnin a tir atangin inhnek a thunun a, round khatna a zawh hnuah nawr betin chiang tak takin a hnek a, round hnihna minute khatah inhnek tihtawp a ni.

Tuirial boxer Ruatfela lakah Lalpekhlua, Bawngkawn Brigade a vanduai ve thung a, rei an inbeih hmain a mitko vei lam kak atangin thisen a chhuak a, a tawp mai theih loh avangin minute khat leh second 54 chiah an inhnek hman tihin Ruatfela a chak a ni.

Light-ah a vawi hnih nan R Vanhne tlangval, Israel Thangliana a chak a, thiamna leh kawng hrang hrangah F Vanlalthazuala, Khawruhlian awpbetin round khatna laihawlah technical knockout-in a chak.

A tum hnih nan Churachandpur Manipur boxer Thangboi a chak bawk a, Lalramdinmawia Ralte, Bawngkawn West nen round thum inhnek tluan mah se judge pahnihin 30-27, 29-28-in an chaktir a, split decision-in an tlang a ni.

Vanlalhriata, Bawngkawn chuan round sang zawk a lut bawk a, a hmaa ding tur, Lalsiemthar Hmar, Zuangtui Vengsang a inlan loh avangin inhnek hah lovin a chak.

Welter-ah quarterfinal vawi hnih lut tawh, Vanzairemmawia’n unanimous decision-in LD Enawsa, Siatlai, Siaha district a hneh a, round thum an inbeih chhungin a chungnung a, chhiar ngai khawpin Enawsa talbuai mah se tlo takin a ding tluan a, Lungtian boxer Remmawia’n round tin a la vek a ni.

Mizoram Labour Link LPS Pro Fight 2026

Zan 8-na : September 16, 2026 (Nilaini)

RESULT

FLYWEIGHT

Lalhriatzela (Maubawk) def Henry Lalsiamthara (Dawrpui Vengthar)

= Technical Knockout (Round 2)

PC Lalremruata (Bilkhawthlir) def Gagan Jaishi (Thuampui)

= Technical Knockout (Round 1, Minute 1:15)

Malsawmdawngzela (Lungkawlh) def Lalremruata (Sihphir)

= Technical Knockout (Round 3, Minute 1:29)

BANTAMWEIGHT

Lalnunpuia (Rangvamual) def Malsawmdawngkima (Bawngkawn)

= Technical Knockout (Round 2, Minute 1:00)

C Lalruatfela (Tuirial) def Lalpekhlua (Bawngkawn Brigade)

= Technical Knockout (Round 1, Minute 1:54)

LIGHTWEIGHT

Vanlalhriata (Bawngkawn) def Lalsiemthar Hmar (Zuangtui Vengsang)

= Walk Over

Israel Thangliana (R Vanhne) def F Vanlalthazuala (Khawruhlian)

= Technical Knockout (Round 1, Minute 1:26)

Thangboi (Churachandpur, Manipur) def Lalramdinmawia Ralte (Bawngkawn West)

= Split Decision (30-27, 28-29, 29-28)

WELTERWEIGHT

Vanzairemmawia (Lungtian) def LD Enawsa (Siatlai, Siaha District)

= Unanimous Decision (30-27, 30-26, 30-26)

MIDDLE WEIGHT

Lalhriattira (Tuithiang) def C Vanlalpeka (Luangmual)

= Technical Knockout (Round 3, Minute 2:35)

Orient Goldsmith Fighter of the Night

- Lalhriattira (Tuithiang)

Zan 9-na : September 17, 2026 (Ningani) - 8:00 PM

FIXTURE

FLYWEIGHT

B93 Chin Lion (Sate, Chin State, Myanmar) v Ruatkima (Chuhvel)

B94 Lalrinsanga (Tuithaveng Bilkhawthlir) v Jangkhochon Lupho (Churachandpur, Manipur)

B95 Mangmuanlian (Lamka, Manipur) v C Lalrinhlua (Phunchawng)

BANTAMWEIGHT

B96 Lalfakzuala (Vairengte) v Winner of Bout 17

B97 Lalhmangaihkima (Salem Veng) v Winner of Bout 27

LIGHTWEIGHT

B98 Bikas Amy Malsawmsanga (Sakawrdai) v Winner of Bout 19

B99 Chuauzika (Bawngkawn) v Winner of Bout 20

B100 Winner of Bout 4 v Winner of Bout 30

WELTERWEIGHT

B101 Henry Lallianmawia (Tuikual North) v Joseph Lalmalsawma (Thuampui)

B102 Jerry Lalmuanawma (Chawnpui) v Lamsonlal (New Lamka, Manipur)

MIDDLE WEIGHT

B103 Siamlaljuia (Churachandpur, Manipur) v Lalmuanpuia (Kualmawi Bilkhawthlir)