ZALEN, Sept. 18, 2026: State pawn atanga inlan pali - Chin state boxer Chin Lion, Manipur boxer Jangkhochon Lupho, Mangmuanlian leh Siamlaljuia ten Ningani zan Mizoram Labour Link LPS Pro Fight-ah an bitum theuh an hneh.

LPS Arena, Falkland-ah inhnek vawi 11 awmin Myanmar leh Manipur boxer panga an inlan a, New Lamka tlangval Lamsonlal tih loh an chak vek.

Flyweight-ah Sate, Myanmar atanga tel, Chin Lion chuan round khat hmang tluan lovin Ruatkima, Chuhvel a hneh a, a lu leh taksaah hnek zawnin Ruatkima a talbuai a, referee K Lalawmpuia’n a chhiar hnuah inbei zui leh mah se Lion-a’n thunun zuiin round khatna minute hnih leh second 11-ah Chin State boxer-in technical knockout-in hnehna a chang.

Churachandpur, Manipur boxer Lupho pawhin round hnihna tirah technical knockout thovin Lalrinsanga, Tuithaveng, Bilkhawthlir a hneh a; Lupho hian a tir atangin inhnek a thunun a, nuam ti takin round hmasa ber a khelh zawh hnuah round hnihna tan atanga second 53-ah an inbeih tawk loh avangin inhnek tihtawp a ni.

Lamka, Manipur rawlthar, Mangmuanlian chuan round thum chhungin C Lalrinhlua, Phunchawng a hneh ve thung a, round tin la vekin unanimous decision-in a chak.

Rinhlua’n tharum neiin bei ngawrh viau mah se thiamna leh kawng dangah Muanlian a chungnung zawk a, hnek dan hmang tam zawk ni telin lang thamin a hneh a ni.

Welterweight-ah erawh Chawnpui boxer Jerry Lalmuanawma’n Lamsonlal, New Lamka, Manipur a hneh ve thung a, ban sei zawk ni mah se Lamsonlal a huaisen tawk lo va, a hnek chhuak tlem a, ningani zana Manipur boxer inlan zingah chak zo lo awm chhun a ni.

Kickboxing khel thin, Muanawma’n thiamna sang tak nei lo mah se tha takin a theihna a hmang a, a nawrtu zawkah tangin a hnek chhuak hnem zawk bawk a, round tin la vekin Pro Fight-a a tel vawi khatnaah Orient Goldsmith Fighter of the Night lawmman a dawng nghal.

Welter inhnek dangah inhnektawk taka Henry Lallianmawia nen round thum an inbeih hnuah Joseph Lalmalsawma a chak hram a, judge pakhatin Tuikual North tlangval, Henry-a chaktir mah se judge pahnihin Thuampui boxer Malsawma an chaktir thung.

Middle-ah Churachandpur, Manipur boxer Siamlaljuia’n unanimous decision-a Lalmuanpuia, Kualmawi, Bilkhawthlir hnehin quarterfinal a lut a. Thiamna nei zawk a nihna chhawrin Juia’n round hnihnaah a nawr hneh a, Muanpuia talbuaiin referee C Lalruatsanga’n a chhiar hnuah Bilkhawtlir boxer-in bei zuiin a tawp thleng ding tluan mah se a hnek let zo lo va, judge pathumin 30-26 vekin Churachandpur boxer an chaktir.

Bantam-ah Vairengte tlangval, Lalfakzuala’n awlsam takin Englianthanga, Dawrpui a hneh a, a tirah vawi khat a hnek a, Enga’n harsatna tawkin a bei zui ngam lo va, minute khat leh second 10 chiah hun an hmang tihin referee Lalrinhlui’n a titawp.

Inhnek dangah Salem Veng rawlthar, Lalhmangaihkima’n unanimous decision-in N Lalbiaknawia, Lengte a hneh bawk a, an innuai dun hle a, hnek thiam zawk Hmangaiha’n a dinhmun a siam thei.

Light-ah Kolasib Khuangpuilam boxer H Zomuanpuia’n round chanve chhungin Bikas Amy Malsawmsanga, Sakawrdai a hneh a, technical knockout-in a chak.

Hetiang bawk hian Kanan Veng rawlthar, Lalrohlua Pautu chuan minute khat leh second 27 chhungin technical knockout-in Chuauzika, Bawngkawn a hneh bawk a, Saron Veng boxer Joseph Lalchawimawia’n round thumna tir second 15-ah Lalnunthara, Muallianpui a hneh bawk.

Mizoram Labour Link LPS Pro Fight 2026

Zan 9-na : September 17, 2026 (Ningani) - 8:00 PM : Bout 11 @ LPS Arena, Falkland

RESULT

FLYWEIGHT

Chin Lion (Sate, Chin State, Myanmar) def Ruatkima (Chuhvel)

= Technical Knockout (Round 1, Minute 2:11)

Jangkhochon Lupho (Churachandpur, Manipur) def Lalrinsanga (Tuithaveng Bilkhawthlir)

= Knockout (Round 2, Second 53)

Mangmuanlian (Lamka, Manipur) def C Lalrinhlua (Phunchawng)

= Unanimous Decision (30-27, 30-27, 30-27)

BANTAMWEIGHT

Lalfakzuala (Vairengte) def Englianthanga (Dawrpui)

= Technical Knockout (Round 1, Minute 1:10)

Lalhmangaihkima (Salem Veng) def N Lalbiaknawia (Lengte)

= Unanimous Decision (29-28, 29-28, 30-27)

LIGHTWEIGHT

H Zomuanpuia (Kolasib Khuangpuilam) def Bikas Amy Malsawmsanga (Sakawrdai)

= Technical Knockout (Round 1, Minute 1:40)

Lalrohlua Pautu (Kanan Veng) def Chuauzika (Bawngkawn)

= Technical Knockout (Round 1, Minute 1:27)

Joseph Lalchawimawia (Saron Veng) def Lalnunthara (Muallianpui)

= Technical Knockout (Round 3, Second 15)

WELTERWEIGHT

Joseph Lalmalsawma (Thuampui) def Henry Lallianmawia (Tuikual North)

= Split Decision (29-28, 29-28, 27-30)

Jerry Lalmuanawma (Chawnpui) def Lamsonlal (New Lamka, Manipur)

= Unanimous Decision (30-27, 30-27, 30-27)

MIDDLE WEIGHT

Siamlaljuia (Churachandpur, Manipur) def Lalmuanpuia (Kualmawi Bilkhawthlir)

= Unanimous Decision (30-26, 30-26, 30-26)

Orient Goldsmith Fighter of the Night

- Jerry Lalmuanawma (Chawnpui)

Mizoram Labour Link LPS Pro Fight 2026

Zan 10-na : September 18, 2026 (Zirtawpni) - 8:00 PM

FIXTURE

FLYWEIGHT

B104 Lalsawmliana (Bethlehem Vengthlang) v Vincent Khongsai (North Molhai, Manipur)

B105 Rommel Malsawmdawngliana (Lungtian) v Malsawmtluanga (Sunhluchhip)

B106 Jerry Zoramliana Fanai (Zawngin) v Laltlansanga (Rawpui)

BANTAMWEIGHT

B107 Lalrinsanga (Thingsulthliah) v T Lallawmkima (Kolasib Saidan)

B108 Lalruatsanga (Maubawk) v Lallawmawma (Zohmun)

LIGHTWEIGHT

B109 LV Robert Lalengliana (Tuipui Ferry) v Vanlalpekhlua (North Lungpher)

B110 Onminlen (Churachandpur, Manipur) v Malsawma (Bethlehem Vengthlang)

B111 Lalnunkima (Sialhau) v David Malsawmzela (East Lungdar)

WELTERWEIGHT

B112 Gospela (Sesawng) v Lebona G Lalchawiliana (Sunhluchhip)

B113 Lalhlupuia Zote (Bawngkawn West) v Lalpektluanga (Kawlhawk)

MIDDLE WEIGHT

B114 Lalremruata (Bawngkawn) v Seigoulal (Churachandpur, Manipur)