Aizawl December 28, 2023 : Kar kalta December ni 20.12.2023 (Nilaini) chhun dar 1 vela West Phulpui leh Pukzing inkar quarry chimin a delh mi 2 zinga 1 chu lakchhuah a niin 1 dang la zawn mek a ni.

Quarry chimin a delh mi 2 zinga 1, labour Krishnaram (41) Rajasthan ruang chu nizan dar 5:30 vel khan lakchhuah a niin vawiin khan Phuldungsei damdawi inah post mortem a ni a, he thu buatsaih lai hian engtia hmalak zel tur nge ngaihtuah mek a ni. Hetih lai hian quarry in a chim hna zinga 1 zawk excavator operator Suresh Kumar Jat (29) ruang zawn hna pawh ngawrh taka thawh chhunzawm reng a ni a, ruang zawn hna pui tur hian Aizawl atangin Police ui fing chah an ni.