ZALEN May 04, 2026 : Excise & Narcotics Department hotute chuan hriselna kaihhnawih avanga IMFL kawl leh zu in phalna 'Red Card' an pek chhuah turah neih a harsat tur thu leh dilna theh lut an la awm loh thu ZALEN a hrilh.

END chuan Red Card nei tur chuan doctor te'n damdawi atana an chawhna lehkha an neih hnuah an awmna District Medical Superintendent ten an chawhna chhante en fiahin, phalna an pekte chauh Red Card hi pek an ni dawn a ni a ti.

Red Card hi kum khatah Rs. 5,000 man zel a ni dawn a, Doctor te'n an chawh ang zelin Red Card hmangin zu chu pek chhuah tur a nih thu leh tun dinhmunah card nei tura dilna theh lut an la awm loh thu ZALEN a hrilh.

Aizawla Excise pisa-ah END chuan Departmental Store siamin, zu an man, Court-in a tihfel tawhte chu Red Card neite tana hralh chhuah a ni dawn a. Zu chu a man pangngai aia zaa 75-a tlawmin hralh a ni dawn a ni an ti.