ZALEN Dec 18, 2025: Excise Mnister chuan nimin a thuthar thehdartu te a kawmnaah Zu leh ruihhlo do kawnga chak lehzuala hma lak a nih theih nan District thar Saitual, Khawzawl leh Hnahthial ah te December, 2024 chhung khan Excise & Narcotics Station hawn a nih thu sawiin, Sairang leh Bairabi ah te Excise Station hawn phalna pawh October 22, 2025 khan hmuh a ni tawh tih a sawi.

Tun dinhmunah Excise and Narcotics Department ah sanctioned posts 650 awmin, mi 459 thawk mekin, post ruak 194 a awm thu a sawi a, department tih chak lehzual nan sawrkar chuar post thar 16 a siam tawh a, indaih lohna phuhru turin direct recruitment hmangin mi 28 lak an nih tawh bakah midang 39 lakna tur buaipui mek a ni a ti bawk.

Minister chuan district hrang hrangah excise minister hovin ruihhlo do meeting neih thin anih thu tarlangin, heng meeting-ah hian deputy commissioner hoin sawrkar hnathawk bakah khawtlang leh kohhran aiawh, zirtirtu leh zirlai pawl aiawh te telin, awmze nei zawka ruihhlo do dan tur sawiho a hmalak thin a ni.