ZALEN July 17, 2026 : Hachhek bialtu MLA Robert Romawia Royte chuan vawiin khan Chief Minister chu lehkha thawnin a bial chhungaw kawngpuite a rang lama siamtha turin he lehkha hmang hian a ngen a, a phut bawk.

RRR-a chuan he lehkhaah hian PWD Minister leh Deptt Officers te hnena a lo sawi tawh angin heng Kawngpuite hi Emegency ang a hma la turin khawthlang mipuite aiawhin a ngen thu leh a phut thu a tarlang.

Hachhek bialtu chuan Bairabi to Zamuang Road a hnathawh chu a chhiain a muang a, a hnathawh zawh hun tawh turah pawh 10% thawh a la ni lo niin sawi a nih thu a ziak a. He kawng hi ZPM GS in a thawh nia sawiin, ngampa takin.hma la turin a ngen.

Darlak leh Tuidam inkar Short cut kawng chu a chhiat bakah a hlauhawm hle a ti a. He kawng siamthat nan hian One Time Improvement (MoRTH) Project atangin sum sanction a nih thu PWD Minister-in July 18, 2025 daih tawhah a puang a. Chuti chunga heti tak maia he kawng ala hlauhawm a, a la chhia hỉ chu khawthlang mipui hmuhsitna ni hial a ngaih theih a nih thu a sawi.

He short cut kawng leh Main road thar leh Bairabi to Zamuang Road atan hian Contractor awm tawhin sum pawh awmsa vek niin a hriat thu a sawi a, siamtha vat turin a ngen a. Kawngpui siamthat nana mipui sum thawhkhawm (Cess for Road infras) pawh hman mai CM hnenah hian a rawt bawk.

Kanhmun to Damcherra lei, 22.5.2026 a PWD Minister in a hawn chu 17.7.2026 ah pawh a taka motor zawh theih a la ni lo chu "Kalphungthalo" tak a ni, a ti a. A rang lama motor kal theiha siam turin a ngen bawk a ni.