ZALEN Dec 17, 2025: Tun sawrkar chhungin Excise & Narcotics department (END) in Rs. Vbc. 71.64 hu ruihhlo an halral tawh.

Vawiina thuthar thehdarhtute a kawmnaah Excise minister Lalnghinglova Hmar chuan he thu hi tarlangin, END ruihhlo man, court-in a chinfel tawhte chu halral thin a ni a. Tun sawrkar chhungin ṭum thum halral tawh a ni a, heng ruihhlo halralte hlutna (local market rate) chu Rs. Vbc. 71.64 a tling.

Ruihhlo halral dan :

International Day Against Drug Abuse and IIIicit Trafficking, 2025, June ni 26-ah Rs. Vbc. 20.25 man halral a ni.

November ni 29, 2024 ah Rs. Vbc. 11.53 man halral a ni.

Khawvel huapa ruihhlo dona ni, International Day Against Drug Abuse and IIIicit Trafficking, 2024, June ni 26, 2024 ah Rs. Vbc. 39.86 man halral a ni.

#ZalenNews