Aizawl: Chief Information Commissioner Lal dingliana chuan mipui tana sawrkar hmalak na hrang hrang te dik tak leh fel taka thawh a nih theih nan RTI hmang tangkai theuh turin mipui te a sawm. Central YMA, Mizoram Information Commission leh Mizoram Legal Services Authority tangkawp huaihawtin ‘Right to Information (RTI) Act and Legal Awareness Campaign’ chu Khawruhlian Community Hall ah Zirtawpni khan neih a ni. He hun hmanpuitu CIC chuan RTI chu mipui thuam chakna, mipui ham that nana sawrkar hmalakna khalh ngiltu leh hlemhletna vengtu hmanrua tangkai tak a ni tiin sawrkar hna thawk leh mipui ten an hriatchian a pawimawh hle tih a sawi.