Ruihhlo Dona Ni pualin Cheng Vaibelchhe 94 chuang man ruihhlo halral

ZALEN June 25, 2026: Excise & Narcotics Department chuan kum 2026-a Khawvel puma Ruihhlo Dona Ni, International Day Against Drug Abuse & Illicit Trafficking denchhenin vawiin June 25, 2026 (Ningani) khan Bethani Multipurpose Farm, Phunchawng-ah Court-a case 600 chinfel tawh atangin ruihhlo thahnem tak chu C. Lalruaia, MPS, Secretary to the Govt. of Mizoram, Excise & Narcotics Department hovin an halral.

Ruihhlo halral inkhawm hi Peter Zohmingthanga, Joint Commissioner of Excise & Narcotics, Department Drug Disposal Committee Chairman ni bawk chuan a kaihruai a. T. Lalramzauva, Dy. Commissioner chuan report a pe.

Excise & Narcotics Department Secretary C. Lalruaia chuan Ruihhlo dona kawnga thahnem ngai lehzual turin officer leh thawktu dangte a fuih. Z. Lalhmangaiha, Commissioner of Excise & Narcotics chuan hetiang zat ruihhlo halral tur mantu, department officer leh staff te bakah ruihhlo manna kawnga department thawhpui, CYMA leh Agency hrang hrangte chungah lawmthu a sawi.

He ruihhlo halralnaah hian Mizoram Police atangin Aizawl DEF atangin ruihhlo engemaw zat halral tel a ni bawk. Ruihhlo halralna hi Mizoram Police, Narcotics Control Bureau leh Central YMA (CADS) ten an hmanpui a ni.

Excise & Narcotics Department-in ruihhlo a halral zat chu hetiang hi a ni:

1. HEROIN - Kg 33.495 - Rs. 66,99,00,000.00

2. GANJA - Kg 191.052 - Rs. 95,52,600.00

3. METHAMPHETAMINE - Kg 192.126 - Rs. 19,21,26,000.00

4. CODEINE BASED COUGH SYRUP - Kg 667.000 - Rs. 78,47,255.00

5. ALPRAZOLAM - Kg 3.866 - Rs. 3,09,28,000.00

6. NITRAZEPAM - Kg 2.317 - Rs. 1,85,36,000.00

7. TRAMADOL - Kg 1.644 - Rs. 1,31,52,000.00

8. LORAZEPAM - Kg 0.362 - Rs. 28,96,000.00

9. TAPENTADOL - Kg 0.292 - Rs. 23,36,000.00

10. ETIZOLAM - Kg 0.080 - Rs. 6,40,000.00

11. DIAZEPAM - Kg 0.060 - Rs. 4,80,000.00