ZALEN May 5, 2026 : Ruihhlo ngai Hulhliap Short Stay Centre chhuak te tana buatsaih After Care Skill Development training chu vawiin khan MFM Skill Training Centre, Dawrpui Vengthar ah a thlawn a Skill Training -4th Batch Aluminium Fabrication leh 5th Batch Assistant Electrician training inauguration hun hman a ni. Tun tumah hian Hulhliap SSC chhuak mi 27 ten Assistant Electrician leh Aluminium Fabrication an zir dawn a ni. 

Chairman Lalnunhlua, Additional Secretary, Social Welfare, Women & Child Development Department & Convener, Task Group onAftercare, Skill Training & Handholding, Hulhliap-SSC in Hulhliap short stay after care ai awh in report pe in, tun thleng hian skill training hrang hrang kal pui tawh ni in, assistant electrician batch 5, aluminium fabrication batch 4, Food processing batch 2 leh plumbing batch 1 kalpui tawh niin. Tunthleng hian training mi 168 lai neih tawh a ni. 

Upa K. Lalnginglova, IAS (Rtd), Board Member, Mission Foundation Movement in training neitur te chu fimkhur leh uluk taka nung tur leh, an thawh na hmun apiang ah rinawm taka midang te rintlak a thawk thei leh ram dang ah pawh thawk thei tur a record tha tak nei tur a fuih in, Sawrkar hian kawng tam tak a ngaihtuah sak a, chumi piah lamah pawh an thiamna lo neih te chu hmang tangkai thiam tur a fuih in, kawng engkim ah mahni kan pawimawh zia hria a, in vawng a, in uluk a, taima leh rinawm tak a zir chhuak a, thawk theuh turin a fuih. 

Khuallian Dr. Lalhriatzuali Ralte (IAS) Secretary, LESDE Department chuan training na hun hawng in, he program in a tum ber chu ruihhlo ngaite’n an nun kalsan a nun thar an neih theih na tur atan a buatsaih a ni tih a sawi. Kalkhawm te chu nunhlui kalsan a hma lam an pan zel na tur kawng te a thui in, bum boh hle mah se, tumna nghet tak nei a Pathian chakna nen a patlang theuh turin a sawm. Hun lo hman tawh thin te avangin midang rin te hlawh lo thin in, ti na thin che u mah se, insangmar a paukhauh tur leh tluk chang ni pawh a tho leh thin turin kalkhawm te fuih in, May 17-a Zarkawt biakin ah Hulhliap program kharna hun a tel vek turin kalkawm te a sawm bawk.