ZALEN Oct. 25, 2025 : Hmunhmeltha Branch YMA chu an mi leh sa tun hnaia ruihhlo tawlha inhnamhnawih mi 3-te chungchang ngaihtuahin nimin khan an thukhawm. 

Maipawl news in a tarlan danin, Ramhlupuia, Lalramnghaka leh Lalbiaktluanga te chu kum 3 chhung atan an en san a, an ensan thu hi YMA Tlangauna hmangin khawtlang mipuite an hriattir a ni.

Tarlan tawh angin Excise & Narcotics Department chuan October ni 22, 2025 (Nilaini) tlai dar 4 khan Bawngkawn South-ah Methamphetamine Kg 6.928 leh a neitu nia puh mi pali - Ramhlupuia (18) S/o Vanlalmanga, Hmunhmeltha, Champhai; Lalramnghaka (43) S/o Robiaka, Hmunhmeltha, Champhai; Lalbiaktluanga (32) S/o Lalnunmawia, Hmunhmeltha, Champhai leh Hmingthanzami (45) d/o Nodumthanga, Bawngkawn South-a khawsa nia inchhalte chu an man a ni.