ZALEN February 24, 2026: NHIDCL hnuaia KRAM Infracon Pvt. Ltd. in Serchhip district-a Sailiam leh Keitum inkar kawng siamthat hna leh Serchhip By-pass Road siamthat hna an thawh mek chu vawiin khan MJA Serchhp chuan an tlawh.

MJA Serchhip District memberte hi an President Kapliana Pachuau hovin Member 6 ten kawngsiam hnathawh mek hi an tlawh a, KRAM Infracon Pvt. Ltd. atangin Lalhruaitluanga, PRO leh Dibyendu Mukherjji, Site Enggineer ten lo an lo dawngsawng a, hnathawh mek dante an hrilhfiah a ni. 

KRAM Infracon Pvt. Ltd. hian NHIDCL hnuaiah Baktawng leh Keitum inkar National Highway siamthat hna hi thawkin an hnathawh hi March 2024 khan an zo a, kum 4 chhung enkawlzui tur an nih angin leimin in kawng chhuat leh kawngko a tihchhiate siamthat hna hi an thawk a ni.

Serchhip Sailiam leh Keitum inkar kawng thawmthat hnathawh chu an zo tawh a, an hnathawh pawh a tha thawkhat nia an hriat thu MJA lam chuan an sawi a ni.

Tunah hian Serchhip khawpui helna (Bypass road) kawng siamthat hna thawh mek a ni a, March ni 15 chuan siam zo thei tura an inngaih thu an sawi a ni.

MJA Serchhip District chuan KRAM Infracon Company te chu mipuite tana tha thei ang ber leh chak taka hna thawk turin an ngen a, kawng siamtu te tana harsatna siam lo tur leh hmanrua te la mai mai lo turin mipuite ngenin, an hnathawh zawh hun tura an beisei hun ah a remchan anga tlawh leh an tum thu an sawi bawk a ni.