ZALEN, June 22, 2025: Mihringin a taksa atanga tuiril a hlohte a hnawh khah leh nana siam in tur hrisel, INMI Hydration Drink chu Inrinni zan khan Vanlalsailova’n Pathian hnenah hlanin zawrh chhuah tan a ni.

INMI hi HYVE Hall-ah a dintu pahnih, Drew Pachuau leh Andrew Lalchhandama te’n an khuh hawng a, tute tan pawha in mai theih leh him, side effect awm lo tura duan a ni tih an sawi.

A siam chhuaktute bakah 3rd party lab test paltlang a ni a, coconut water base-a siam niin a tui dan chi thum - peach, blueberry leh lemon te a awm a ni.

INMI Hydration Drink hi inkhelh, hah leh nawmsam loh vanga thlan tui atanga mihring taksa atanga tuiril leh electrolytes chhuak nasa hnawh khah lehna atana in tur a ni.

Thil thlum (sugar), thau leh caffeine a awm lo va. Electrolytes awm thungin mihring taksain a mamawh mineral chi hrang hrang leh Vitamin A, E, B6 leh B12 a awm a. Hei bakah hian BCAA awm telin antioxidants a nih bakah natural taka thahrui siam thar leh thei tura duan a ni.

He in tur chi thar hi infiammi leh hriselna ngai pawimawhte tana duan deuh ni mah se mi nawlpui tan pawh in mai theih a ni.