ZALEN May 22, 2026: District Hub for Empowerment of Women (WCD) bul tumin vawiin khan Addl. DC Office Chamber, Saitual-ah Addl. DC Lallawmawma hovin Saitual District-a nu chhuanawm (exceptional mothers) te hnenah chawimawina hlan a ni. He hun hi nute ni 2026 puala buatsaih a ni.

Vawiina nu chhuanawm chawimawina dawngtute hi Sangzuali leh Lalrinsangi te an ni. Sangzuali hi a pasalin a thihsan hnuah a fate paruk enkawl sei lianin, a nu leh a unaupa rualbanlo a enkawl bawk a ni. Lalrinsangi hi kum 2023 khan a pasalin a boral san a, a fate pali enkawl seilianin, a fapa naupang ber John Lalnghakliana chuan MPSC Combined Competitive Exam 2026-ah inziak tlingin MIS-ah a lut a ni.  

Inkhawm Mary Malsawmkimi, District Mission Coordinator, DHEW chuan a kai hruai a, Lallawmawma, Addl. DC leh kalkhawmte atang thusawi ngaihthlak a ni. He hunah hian DHEW office-a thawkte, MHIP Sub- Hqrs a hruaitute leh chawimawina dawng tawiawmtute an tel a ni.