ZALEN August 06, 2026 : Saitual DC Srinivas Sadi chuan an district chhungah sawrkar hnathawk thenkhat hnathawh hun chhung (office hour) a ruih ching an awm thu sawiin, ruihtheih thil engmah ti lo turin a hriattir.

DC thuchhuahin a tarlan danin Saitual District chhunga sawrkar hnathawk zawng zawngte chu an hnathawh hun chhungin ruihtheih thil eng chi pawh an tih a khap a. Sawrkar hnathawkte chu ruihtheih thil engmahin an hnathawh a tibuai tur a ni lo a ti.

He thupek bawhchhiate chu an thil tihsual dan azirin, Rule 11, Central Civil Services (Classification, Control and Appeal) Rules, 1965 behchhanin hlawh punna (increment) hrensakte, an kaisanna (promotion) hrensakte, loh theih loha pension te, ban te leh a dangtein hrem an ni ang.

He thupek hi khauh taka kenkawh a nih theihna turin Saitual District chhunga sawrkar office te chu surprise inspection neih thin a ni ang a ti.