ZALEN, August 20, 2026 : Adviser to Chief Minister TBC Lalvenchhunga chuan vawiin khan Sakawrtuichhun panna kawng Ramrikawn–Zihnghalkawn inkar siam mek chu a hmunah a endik.

Bialtu MLA chuan kawng siam mek leh fur avanga mipuiin harsatna an tawh mek chu sawrkarin a hriatpui thu sawiin, kawng siamthat hna chu ngawrh taka kalpui zel a nih thu a sawi.

He kawng hi double lane-a siam tur Central Road Fund sawrkar hmasa te hunah hmuh tawh ni mahse, land acquisition tihfel loh avangin hun rei tak tihpuitlin theih loh a nih thu a sawi a. Tunah sawrkarin bawhzuiin kawng siamthat hna tan theih a nih chu lawmawm a tih thu a sawi bawk.

Pavement siamna atan Central Ministry lamah funding chak taka bawhzui mek niin, land acquisition thenkhat tihfel ngai a la awm thu pawh a sawi.

Adviser to Chief Minister hi PWD engineer, Aizawl DC official, Revenue Department surveyor-te leh khawtlang hruaitute ten an tawiawm a ni.