Aizawl; Salvation Army India Eastern Territory chuan kar kalta Thawhtan atanga Zirtawpni thleng khan Aijal Club-ah Prepare Training a buatsaih a, India Eastern Territory chhunga mi 27-te hnenah training pek an ni. Training pe tur hian International Headquarters London atangin Major Ann Thompson, International Emergency Services Coordinator leh Mrs. Damaris Frick, Facilitator, Emergency & Disaster lama mi thiam bikte an lo kal a ni. Training-in a tum ber chu India Eastern Territory huam chhunga chhiatrupna awm thei atanga inven dan te, chhiatna lo thlen a lo inbuatsaih dan te leh hmachhawn dan turte zir a. Hei hian mahni himna mai ni lovin chhiatna a lo thlen huna SA-te’n mi dangte an tanpui theihna tura inzirtirna a ni. Training chhung hian Aizawl khawpui chhunga hmun hlauhawm laite tlawhin zir chhianna neih a ni a. A bul hnaia chengte nena inkawmna hun hman a ni bawk.