ZALEN October 24, 2025: Saron Veng Local Council chuan an veng chhungah Vawksa man Rs. 400/- aia to a hralh an reti lo a, an thunun zawm loa palzut chu a tul angin an chungah thununna an lekkawh a nih tur thu an sawi.

Saron Veng Local Council chuan Tunlai hian hmun thenkhatah vawksa man (rate) ti sang an awm ni a sawi niin hei hian titi a ti tam hle mai a, hemi chungchangah hian Saron Veng Local Council thukhawm (Sitting) vawi 11-na October ni 24, 2025 (Zirtawpni) zinga neih chuan a hnuaia mi ang hian thu thlukna a siam.

Sawrkarin thupek siam a, vawksa man (rate) a bithliah thar a nih loh chuan thu leh awm hma chuan Saron Veng chhungah Vawksa man (rate) Rs. 400/- chu tih danglam ni lo se tha kan ti. He thupek zawm loa palzut an awm a nih chuan a tul angin an chungah thununna lekkawh a ni ang, an ti.

Mission Veng leh Zotlang Local Council pawhin a veng chhungah Rs. 400/- aia to a Vawksa zawrh an phal loh thu nimin khan thuchhuah an lo siam tawh bawk.