ZALEN April 28, 2026: Integrated Disease Surveillance Programme (IDSP) National Health Mission, Health & Family Welfare Department chuan hun eng emaw chen Covid-19 natna kai an awm tawh loh laiin tun hnaiah kai thar an awm leh ta nual niin sawrkar chuan thuchhuah an siam a, mipuite chu fimkhur turin an chah.

Covid-19 hi a la reh lo a, a khat tawkin a lang chhuak thin niin thuchhuahah hian an tarlang a. He natna laka kan him theih nan theihtawpa kan fimkhur tlan a tul thu an tarlang bawk a. He natna hi inkaidarh awlsam tak leh fimkhur ngai tak a ni a, mipuite chu fimkhur turin an chah a ni.

April ni 28, 2026 thleng a Mizoram dinhmun : 

  Covid-19 vei mek awm zat : 8

  Covid -19 vei leh vei loh test tawh zat : 19,98,442

  Positive hmuhchhuah tawh zat : 2,39,710

  Thihpui awm tawh zat : 734

  Enkawl dam tawh zat : 2,38,968