ZALEN February 27, 2026 : Social Welfare, Tribal Affairs, Women & Child Development Department Minister Lalrinpuii chuan vawiin khan Mizoram Upa Pawl Aizawl South II Area Conference, ITI YMA a neih chu hmanpui a. Sawrkar atanga kum upa pension la ten a hmaa Cheng 300 la thin Cheng 1200-ah a tihsan sak thu leh Cheng 600 la thin pawh Cheng 1500-ah a tihsan sak nghal a nih thu a sawi.

Minister chuan kum upa zawkte hnam leh khawtlang tana an hlutzia sawiin, ngaihhlut tur an nih thu leh, Sawrkar pawhiin a ngaihpawimawh thu te, khawvel thiamna te sang chho zel ah, kum lama upa te pawh lo tam chhoh ve tak zel avangin hriselna lam a lo pawimawh zual thu a sawi a. Mizoram Universal Health Care Scheme (MUCHS) hnuaiah pawh inenkawlna senso nei tam chu kum update an nih thu sawiin, kum upa te tan MUHCS a tangkai zual bik thu a sawi a. Hriselna lam ngai pawimawh tura fuihin, taksa sawizawi tha a, ei leh in uluk mai bakah tha taka mut theih Hi upa te hriselna atan a tha in a rin thu a sawi bawk.