Aizawl; Ni hnih awh, Assembly Annex, December ni 5 atanga neih tan Premier School Fair chu nimin Inrinni khan neih zawh a ni a, nu leh pa in an hlut hle a ni. He exhibition hi Afairs Exhibition & Media Pvt Ltd leh Zalen chanchinbu tang-kawpin an huaihawt a ni a, Aizawl ah chuan tum 3-na a ni. Thu dawn danin nu leh pa sang chuangin ni 2 chhung hian an tlawh hman a. India ram hum hran hran atangin sikul tha tak tak 17 an tel a ni. School Fair hawngtu PC Lallawmsanga, Principle Secretary chuan nu leh pate’n thuamhnaw leh thil danga fate tan sum an sen tam ngam angin, zirna lamah pawh seng ngam se tih a duh thu a sawi a ni.