ZALEN, July 24, 2026: Laltlansangi (34), Khawzawl Arro Veng-a cheng chu tukin dar 9:30 velah khan scooter chesual avangin a thi.

ZALEN thu dawn danin Laltlansangi hi a mit pakhat a that loh avangin tukin zingkarah a thianpa nen Khawzawl atangin Champhai-ah doctor hnenah inentir turin an kal a. An haw leh lamah, Tuimukkai thlen hmaah dar 9:30 velah khan scooter chu a chesual a, Laltlansangi chu a hmunah a thi nghal a ni.

Scooter khalhtu, a thianpa chuan scooter a khalh lai hian a lo muhil sek nia a hriat thu ZALEN thudawnna chuan a sawi a, a ban ruh a tliak a, Champhai Hospital-ah phurh chhoh a ni.

 Laltlansangi hi zaninah lumen tur niin naktuk chhun dar 12:30 ah vui tur a ni.