ZALEN February 8, 2026: Assembly Speaker Lalbiakzama hova budget session hun hman dan tur lo duanlawk tawh chu ennawn leh tum a ni a, naktip Thawhlehni hian hemi chungchang ngaihtuah hian Bussiness Advisory Committee (BAC) an thukhawm leh dawn.

ZALEN thudawn danin BAC hian session hi February 17, 2026 atanga March 12, 2026 inkar chhunga neih turin ruahmanna an siam a; mahse, eng emaw ennawn ngai a awm avangin BAC hi naktip hian an thukhawm leh dawn a ni.

Zirtawpni thleng khan house a chhan tur hian zawhna (starred question) 826 leh ziaka chhan chi zawhna (unstarred question) 329 a lut tawh a, bill 3 a lut tawh bawk.

Session tan niah hian Larsap Gen. Vijay Kumar Singh-a’n thu a sawi dawn a, tun session-ah hian inkhawm kar laka legislator thi sun tur an awm lo nia thudawn a ni.