ZALEN July 8, 2026: Shillong-a Mizo tlangval hmeichhe khuaikhem thin anga social media lama viral chu Meghalaya Police te chuan FIR an ziaklut tawh a, an hmalakna zawng zawngah Shillong-a Mizo NGO te chuan full support pek an tum.

Ningani khan Shillong-a Mizo NGO te chu hemi chungchangah hian an thukhawm a, hemi ni vek hian Shillong MSU hruaitu, Mizoram-a rawn haw te chu Central YMA te nen an inkawm a, thil awmdan te lo hriatpui turin an thlen a ni.

Shillong-a Mizo NGO hrang hrang Ningni-a thukhawm chuan hemi chungchangah hian Police hmalakna zawng zawngah full support pe a, thawhpui turin thutlukna an siam a ni.

Shillong-a Mizo zirlai hi hmeichhe pariat aia tam a khuaikhem mai bakah social media-ah a vau zui thin niin social media lamah a thang a, Police Station-ah pawh koh a ni tawh a, thu kal zelah Meghalaya Police te chuan FIR hi an ziaklut ta a ni.

ZALEN thudawn dan chuan FIR an thehluh chhan hian Mizo bakah hnamdang pawh a lo khawih tawh niin puh a ni.

The Shillong Times-in social media lama a tarlan dan chuan he mizo tlangval hian hmeichhe pariat (aia tam pawh a ni thei) a khuaikhem a, a khuaikhem te hi video hmangin a vau zui a, mahse, pakhat chu a rai tak avangin hriatchhuah a ni a, Police hnenah report a ni a, a video te chu delete tir tura tih a ni a, amah hi jail-ah chuan dah a la ni lo. Dan anga taka hrem a nih theihna turin he thu hi thehdarh zel ang u. Tih lam hawiin post a ni.