Aizawl; Himachal Pradesh khawpui Shimla ah chuan In, square feet 100 nei chinte hnenah property tax lak a ni a. Chhiah an lak zinga 10% chu inluah enkawl(maintainance) nan hman a ni a, a dang 90 % atanga chhutin 15% chu khawpui enkawltu Municipal Corporation in tax atan an la veleh thung thin. Zalen palaiin Simla Municipal Corporation Chairman (Mayor of Shimla) Sanjay Chauhan a kawm naah Mayor chuan,"Mipuiin chhiah an pek that chuan Municipal pawhin tui, sanitation, kawng leh thildangte a tha thei ang bera peklet a tum ve thin a ni," a ti. Mayor chuan Shimla ah plastic bag an khap bur tih sawiin bawlhhlawh pawh motor a paih chauh an phal tih a sawi a. Khawpui chhhungah motor tlan phallohna hmun engemaw zat an siam tih a sawi bawk. Simla ah hian property tax an lak mek 15% chu sawrkar lamin 25% a tihsan an rawt a, mahse Municipal lam chuan a sang lutuk tiin an remti lo a, High Court relfel turin a awm mek nia thudawn a ni.