August 3, 2026: Thingsai Police Station vawiin khan Thingsai leh Khawhri inkar Tuiphai Lei-ah AK silai pasarih leh a mu 2,050 an man, hemi kaihhnawihah hian mi pathum an man bawk.

Thingsai Police te hian an thu dawn bawhzuiin Tuiphai lei-ah lirthei veivak an lo endik a; Cherhlun leh Lunglei inkar Maxi cab service MZ-02-A-8347 chu lo tidingin an endik a, hetah hian silai leh a mu hi an man ta a ni.

Hemi kaihnawih-ah hian Lalruatfeli (42) d/o Zopianga Lunglei Chanmari III, Lallunghnema (3)0 s/o Lengluai, Leisen, Myanmar leh lirthei khalhtu Mesak Lalvensanga (27) s/o C. Lalduhawma, Cherhlun te an ni. 

Thingsai Police Station-ah thubuai ziah luh a ni a, naktukah court turin Lunglei-ah hruai an ni ang.

Thulakna-in a tarlan danin AK pakhat hi Rs. 5,00,000 zel-a hralh tur niin, a mu hi pakhat hi Rs. 500 man zel a ni bawk. Thil man hlut zawng hi a vaiin Rs. 45,25,000 vêl niin chhut a ni.