ZALEN, September 26, 2025: October 8 atanga khelh tan tur, Board of Control for Cricket in India (BCCI) buatsaih inelna, Senior Women’s T20 Trophy khel turin Ningani tuk khan Mizo nulaten Tripura an pan.

Mizoram hi plate group-a awm niin Agartala panin relin an chhuak a. An group-ah hian state dang team panga - Meghalaya, Manipur, Sikkim, Nagaland leh Arunachal Pradesh te nen an awm a, an inkhel kual ang a, a sang pahnihin final an khel ang.

BCCI chuan 2025-26 season kal mek atang hian Senior Women’s T20 Trophy-a tlak hniam leh kai san dan tidanglam hretin a hmaa plate finalist-te elite group-a a kai santir thin chu champion chauh an kai sang thei dawn a. Mizo nulate hian season thara elite group-a an awm duh chuan an group-ah an champion a ngai dawn tihna a ni.

Plate group-ah hian an inkhelh kual hnua a sang ber team hnihin October 17, 2025-ah Police Training Academy (PTA) Ground, Agartala-ah final an khel ang.

Mizoram team hian October 8 hian PTA Ground, Agartala-ah Nagaland an hmachhawn hmasa ber ang a, October 15-ah Meghalaya nen PTA Ground-ah tho an khelh hnuhnung ber tur an khel ang.

MIZORAM FIXTURE:

Oct. 8, 2025 - Mizoram vs Nagaland - PTA Ground

Oct. 9, 2025 - Mizoram vs Sikkim - MBB Stadium

Oct. 11, 2025 - Manipur vs Mizoram - PTA Ground

Oct. 13, 2025 - Arunachal Pradesh vs Mizoram - PTA Ground

Oct. 15, 2025 - Meghalaya vs Mizoram - PTA Ground

MIZORAM TEAM:

1. Jacinta Lalțanpuii, New Chalrang

2. Sandhia Rai, Kawnpui

3. Lalhmangaihsangi, Chhinga Veng, Aizawl

4. Lalnunmawii, Damdiai

5. Vanlalremtluangi, Zemabawk, Aizawl

6. Lallawmawmi, Ainawn Veng, Aizawl

7. Lalduhawmi, Maubawk, Aizawl

8. Thelma Laldinthari, Ainawn Veng, Aizawl

9. ZD Lalnunhrili, Venghnuai, Aizawl

10. Zothansangi, Armed Veng South, Aizawl

11. Lalhriatpuii, Armed Veng, Aizawl

12. Lalrinfeli Pautu, Hnahthial

13. Unati Sunil Nayak, Guest player

14. Palak Arun Kumar Patel, Guest Player

15. Shivangi Raj Singh, Guest Player