ZALEN June 17, 2026 : Horticulture Minister C. Lalsawivunga chuan vawiin khan Horticulture Fair vawi 13-na Lammualah a hawng a, a hawnna inkhawmah hian Minister of State Prof. Lalnilawma leh MIFCO Chairman Lalthazuala te pawh an tel. District tina farmers tha thlanchhuah te chawimawina hun hman a ni a, Horticulture Fair 2026 hi ni li awh (17-20 June 2026) tura ruahman a ni a, Stall inpho hi a vaiin 273 a awm a ni.

C. Lalsawivunga chuan Horticulture Fair in a tum ber chu kuthnathawktute’n an dehchhuah awmze neia an hralh chhuahna atan anih thu a sawi a, Aizawl khawpui leh a chheh vela chengte chu Fair a inpho te duhsak taka an thil zawrh te chu leisak turin a sawm.

Mizoram chu UT a nih atangin kum 50 chuang a liam tawh a, state puitling a hlankai a nih pawh kum 40 dawn a ni tawh chungin vawiinah thil siam chhuah leh deh chhuah sawi tham a la nei lo a, chu chuan Mizote chu kan la intodelh loh zia a entir, a ti a, chuvangin he Fair atang hian hmasawnna kawng kan ngaihtuah a tul a, ram leh hnam intodelh ni turin tan lak a ngai a ni, a ti.

Organic farming sawiin C. Lalsawivunga chuan, state dangte’n Mizoram sawhthing an duh bik chhan chu chemical tel lo, organic a nih vang a ni a, chuvangin thlai leh thei chingtute chu ‘organic’ thei ang bera ching turin a chah a, India rama lo neitu dangte’n an chin ve loh ching turin a fuih bawk. Mizoram sawrkar chuan ‘Sapthei’ hmangin pilot project kalpui chhoh a tum mek thu a sawi bawk a ni.

Horticulture Fair hi kum 2012 atang khan neih tan niin, kumin hi a vawi 13 na a ni a, Kum 2012 atanga 2025 thlenga stall neituten an hralh chhuah tawh zat belh khawm chu ₹3,76,90,607/- a ni.

Horticulture Fair buatsaih rual hian District tina kuthnathawktu tha ber lawmman 'Best Horticulture Farmer Award’ hlan a ni a, he award hi Fair thlengtu in a hlan a ni. Award dawngtute chu :