Aizawl; Social Welfare Department hnuaia Bal Bhawan Society buatsaihin nimin khan Vanapa Hall-ah State Bal Shree Camp neih a ni. He Bal Shree Camp ah hian naupang kum 6 atanga kum 16 inkar ten intihsiakna hrang hrang an nei a, Puppetry, Guiter Solo, Cultural Dance, Keyboard, Painting, Clay Modelling leh Science Model ah te inel a ni a, he intihsiakna a tithate hi phai lamah state danga Bal Bhawan naupangte nen an inel leh dawn a ni. State Bal Shree Camp kharna inkhawm hi Social Welfare Department enkawltu Parliamentary Secretary K.Lalrinthanga'n a hmanpui a, naupangte chu an thiamna awmze neia hmang tangkai thei turin a fuih a ni. Bal Bhawan hian building hran an la neih loh avangin Electric veng YMA Hall, Zotlanga mimal In leh Aizawl Art Gallery ah te Bal Bhawan hi kalpui a ni a, ITI veng khawtlang hruaitute ram pekah sorkar laipui tanpuinaa building tur hi sak tum mek a ni.