ZALEN September 22, 2026 : United Nations Food and Agriculture Organization (FAO) chuan International Year of Women Farmer 2026 pualin, ‘FAO 100 Women Heroes in Agrifood Systems and Rural Development’ award dawng tur mi 100 zingah Mizoram, Lawngtlai District, Sangau-a strawberry chingtu ZT. Lalrithangi (Mari-i) chu thlan a ni.

Ram hrang hrang 131 atanga nomination 600 chuang thlankhawm zingah India ram atangin mi pahnih thlan chhuah an ni a. Lalrithangi hi India atanga thlan chhuah zingah mi pakhat niin, October 12-16, 2026 chhunga Rome, Italy-a FAO Headquarters-ah neih tur World Food Forum event-ah award dawng turin sawm a ni a, Mizo zingah he award hi dawng hmasa ber tur a ni.

FAO chuan Lalrithangi hi strawberry chin kawngah taima takin hma ala a, a inpekna, phurna, thawhrimna leh chhuan awmzel tur atan entawntlak taka a thawhna avangin agriculture leh rural development lama hmeichhe 100 chawimawi tur zingah thlan a nih thu an sawi.

Lalrithangi hian Horti Fair, Mizoram 2026-ah Lawngtlai District Best Farmer alo la tawh bawk a ni.