ZALEN July 11, 2026 : Mizoram pawn hmun hrang hranga lehkha zira awm te puala buatsaih thin, Summer Sports 2026-ah Shillong MSU chu an champion a, Delhi leh Bangalore ten an dawt a ni.

Kumin summer sports-ah hian india ram khawpui hrang hrang 8-a zirlaite an tel a, Mizoram Youth Commission Chairman Malsawmzuala Ralte chu Summer sports 2026, Shillong MSU te organise kharnaah hian khuallian niin, R. Dengthuama Hall-ah a hmanpui. Siampuii Ralte chu Guest Artiste a ni.

Malsawmzuala chuan zirlai kalkhawmte chu Nu leh pa leh chhungte chawmin lehkha in zir a, mahni kea ding tura inbuatsaiha, ngaihtuahna sen a hun a ni. Mizoramah hna a vang a, sawrkar hna chu taima fal, thawkrim falte tana ban phak a ni chauh a, an zirna hmunah hnathawh tur remchang ngaihtuah a, zorama lo haw kher tum lo turin a fuih.