ZALEN September 7, 2026: Tun hnaia ruah sur nasain rel kawng a tihchhiat avangin Mizoram chhungah bungraw chawkluh khaihlak deuh chungchangah mi thenkhatin buhfaiah harsatna tawh mai an hlau tih thuthang a awm a. FCS&CS Department chuan tun dinhmunah chuan buhfai stock a tam tawk a ni tih mipuite an hriattir.

Mizoram chhunga FCI Godown hrang hrangah quintal 1,95,345.10 a awm mek a, Mizoram chhunga Supply Godown hrang hrangah quintal 1,34,430.93 awm bawkin, a vaiin quintal 3,29,776.03 a awm mek niin an sawi.

Tun dinhmuna FCS & CA Department-in thla khata ration buhfai a sem chhuah thin chu quintal 97000 vel a ni a, tuna stock neih sa hian thla thum mamawh aia tam a daih a ni.