ZALEN October 25, 2025: Mizo Rimawi huanga Zoram mipuite ngaihhlut leh ngaihven Mamit Vision buatsaih Vangpui Lunglen tum 6 na chu November ni 1, zan dar 8 hian Hangzo Natural Park, Lawipu ah tlangzarhna leh Live show neih a ni dawn.

Kumin Vangpui Lunglen ah hian Mizo hla hlui mawi tak tak ngaihtlak tur a awm dawn bakah 'Darthanmawii zûn' tih hmangin lemchan hmuhnawm tak zeh tel a ni. Mizo lengzem artiste kan nei that tak tak, LPS Youth Icon pahnih Taitea leh K Lalthlamuankimi te, Mawimawia, Thangromawia, Jenny Jathang leh Bzi Tochhawng te bakah host Baby Zomuanpuii Fanai an inlan dawn a, anni bakah hian a film ti hmuhnawm zual turin Miss Mizoram Champhai Bawihpuii Ralte, Lawmsanga Chhangte leh Aldrin-a te an inlan bawk.

Ticket hi Rs. 100 man niin hengah te hian lei theih a ni. 

Kristie House of Beauty, Zarkawt ; Apollo Men's Wear, Chanmari ; The Electronic Store, Khatla leh Corz Seconhand, Chawlhhmun. Online booking 9366208033 bakah a hmunah lei theih a ni ang.