ZALEN April 15, 2026: Ministry of Health & Family Welfare hmalaknaa TB umbo beihpui thlak kal mek '100 Days Campaign' chu March 24, 2026 atang khan kalpui a ni a, campaign hi Mizorama district zawng zawngah kalpui vek a ni tawh.

Campaign ah hian TB hluar theihna hmun bika ngaih "High Risk Village/Ward" te chu ngaihpawimawh a ni a. Heng hmunah te hian mipui zawng zawng screen vek tur a ni. TB vei awlsam bika ngaih zunthlum nei, meizu, zu in mi, kum 60 chunglam, chuap TB damlo chenpui te phei chu endik ngei ngei tur an ni a, TB venna damdawi hi mipui tam thei ang ber hnenah pek tur a ni bawk. Aizawl khawpui phei chu High Risk Ward veka chhiar a ni.

March 24 atang April 12, 2026 thleng khan High Risk khaw awm zat hi 185 niin screening camp nei tawh zawng zawng zat chu 57 a ni a. Mipui inentir tawh zat hi 4003 niin TB hmuhchhuah zat hi 86 a ni tawh.